Бүтээгдэхүүний дэлгэрэнгүй

Хэрэглэх заалт
Насанд хүрэгчдэд Ходоод улаан хоолойн сөргөө өвчин (ХУХСӨ). Энэ нь ходоодны хүчиллэг шүүс улаан хоолой руу сөргөж орсны улмаас цээж хорсох зовиур үүсгэж улмаар улаан хоолойн салст улайж, үрэвсэхэд хүргэдэг хам шинжийн үед; “Хеликобактер пилори” бактерийн халдварт өртсөний улмаас ходоод ба нарийн гэдэсний эхлэл хэсэгт үүссэн шархлааг эмчлэх зорилгоор хэрэглэнэ. Энэ тохиолдолд Таны эмч дээрх эмийг халдварын эсрэг антибиотиктой хавсран хэрэглэхийг зөвлөдөг. Стероид бус үрэвслийн эсрэг бэлдмэлийн (СБҮЭБ) бүлэгт багтдаг эмийг хэрэглэж буй хүмүүст энэ эмээс шалтгаалсан ходоод гэдэсний улайлт, үрэвсэл, шархлаа үүсэхээс сэргийлэх зорилгоор; Нойр булчирхайн хэт ургалттай холбоотойгоор ходоодноос хэт их хэмжээний хүчил ялгардаг Золлингер-Эллисоны хам шинж хэмээн нэрлэгддэг өвчний үед тус тус хэрэглэнэ. Ходоодны шархлаанаас цус алдсан өвчтөнд дахилтаас сэргийлэх удаан хугацааны эмчилгээнд ЭЗОМ -ийн тарилгын хэлбэрийг судсанд тарьж хэрэглэдэг.
Найрлага
Эзомепразол
Анхааруулга
Хүүхдийн гар хүрэхээргүй газарт хадгал. Бэлдмэлийг 25°С-аас доош температурт, өөрийн нь хайрцагт хадгал.
Тайлбар
Бэлдмэлийг өдрийн аль ч цагт ууж болно. Бэлдмэлийг хооллох үедээ эсвэл өлөн байхдаа ч уух боломжтой. Бэлдмэлийг бүхлээр нь зохих хэмжээний усаар даруулан ууна. Эмийг ходоодны хүчлийн нөлөөгөөр задрахаас сэргийлж, хүчлийн үйлчлэлд тэсвэртэй бүрхүүлээр бүрж өгсөн байдаг учраас капсулыг зажилж эсвэл задалж болохгүй.